Tuesday, December 28, 2010

رأس السنة ...


Photo: Historian on the Niger River





رؤية فى النصف الفارغ

وتأويل فى النصف الملآن (2)

.......................................................

كل عام وانتم بخير

.................................

كل رأس سنة ... الذى اقترب .

ابعث هذه السطور لكل اصدقائى

ولا ينتابنى الشعور بالتكرار والرتابة

وها أنذا اكرر نفس الفعل فى التدوين ...لماذا ؟ ..

الجواب : تشبتا واستمساكا واعتصاما بحبال الامل

وحتى لا أكون من القانطين

................................

في ليلة رأس السنة، جلس المؤلف الكبير أمام مكتبه وأمسك بقلمه،

وكتب:

في السنة الماضية، أجريت عملية إزالة المرارة، ولازمت الفراش عدة شهور..

وبلغت الستين من العمر فتركت وظيفتي المهمة في دار النشر الكبرى التي ظللت أعمل بها ثلاثين عاماً..

وتوفي والدي..

ورسب ابني في بكالوريوس كلية الطب لتعطله عن الدراسة عدة شهور بسبب إصابته فى حادث سيارة..

وفي نهاية الصفحة كتب..

{{ يا لها من سنة سيئة }}..!!

.................

دخلت زوجته غرفة مكتبه،

ولاحظت شروده..

فأقتربت منه، ومن فوق كتفه قرأت ما كتب..

فتركت الغرفة بهدوء، وبعد دقائق عادت وقد أمسكت بيدها ورقة أخرى، وضعتها بهدوء بجوار الورقة التى سبق أن كتبها زوجها..

وتناول الزوج ورقة زوجته وقرأ منها :

في السنة الماضية ..

شفيت من الآم المرارة التي عذبتك سنوات طويلة..

وبلغت الستين وأنت في تمام الصحة ..

وستتفرغ للكتابة والتأليف بعد تفرغك وبعد أن تم التعاقد معك على نشر أكثر من كتاب مهم ..

وعاش والدك حتى بلغ الخامسة والثمانين بغير أن يسبب لأحد أي متاعب، وتوفي في هدوء بغير أن يتألم ..

ونجا ابنك من الموت في حادث السيارة وشفي بغير أيه عاهات أو مضاعفات..

وختمت الزوجة عبارتها قائلة:

{{ يا لها من سنة سعيدة...

تغلب فيها حظنا الحسن

على حظنا السيء }}..

.....................................******************..........................*************

ما كنت أوثر أن يمتد بي زمني *** حتي أرى دولة الأوغاد والسفلِ

أعلّل النفس بالآمال أرقبها *** ما أضيق العيش لولا فسحة الأملِ


Photo: Mountain biker in grass


35 comments:

شهر زاد said...

أخي ماجد
كل سنة وانت طيب
هي فعلا فلسفة الكأس هل ممتلئ الى النصف ؟أم فارغ الى االنصف؟
الانسان بعادته لا ينطق الاا ساعة الالم والحزن اما ساعات الفرح فلا يشاركها مع أاحد بل ينفرد بها بمفره
زوجة الكاتب كانت نظرتهاا أقبرب الى الصواب لانها تنظر الكأس على أنه مملوء الى النصف
قصة تحمل في ثنايااها عبرة أساسية وهي الرضى والتفائل
دمت في رعاية الرحمان

Haytham Alsayes said...

واذ استلهم عقل هذا المؤلف الكبير
وافعل مثلما فعل
واقيم في كلمات بسيطة مامر بي في هذه السنة

قرأت فيها كثيرا
كتبت فيها كثيرا
احببت فيها كثيرا
كرهت فيها كثيرا
انتباني شعور عام بالاحباط حينا
وبالتفاؤل احيانا اخرى

اخذت فيها خبرات غير متوقعة
وافكار جديدة لم تكن في الحسبان
انا حقا سنة
مليئة بالمفاجأت

واحمد الله كثيرا علي كل المفاجأت
فلدى قناعة كبيرة جدا
ان الله هو من جعل لي في طريقي كل هذه المفاجأت
وانها تدبير الهي من عنده سبحانه لاكون افضل في المستقبل
فلك الحمد ربي حمدا كثيرا ملأ السموات والارض


تحياتي وتقديرى
وسنة سعيدة عليك وعلي العائلة الكريمة

sal said...

شهرزاد

انا سال او صلاح
مش ماجد
بس ماجد اخونا برضو مافيش مشاكل
اكيد البوست عجبك واستعجلتى فى الرد وانت لسه جاية من عند ماجد
يا ستى كل سنة وانت بالف الف خير وصحة وسعادة...متمسكة بالامل فى غد افضل
طبعا الستات ممكن يكونوا اكثر حكمة من الرجالة ليه لا

تحياتى وتقديرى

sal said...

حبيب قلبى وعقلى هيثم

جميل هذا الصدق منك
بيت الشعر اللى فى الاخر
فيه كثيييييييييير

والصورة المرفقة عاجبانى اوى
انت خدت بالك؟

كل سنة وانت طيب وبخير
زنة محبتى لك

فاتيما said...

البوست دا ليه علاقة
ببوست الفلامنجو
صح؟؟


آه


نظرة الواحد للأشياء
و من انهى اتجاه
اصلى كنت كتبت بوست زمان
عن الحكاية دى



استنى لما احكيلك وادوشك شوية

لما كنت ف اعدادى
كانت مدرسة الفنون ف المدرسة بتعلمنا نرسم بالأقلام الرصاص والظلال ودرجات الرمادى لحد الاسود


المهم يا سيدى مطلوش عليك
قول طووولى
جابت كذا حاجة
علبة كلينكس
وشلة صوف
وكوباية فيها افلام
و ابصر ايه مش فاكرة ايه تانى
وحطتهم على ترابيزة ف نص الأودة
وقالت لنا اتفرقوا
كل واحدة ف ركن
وكل واحدة ترسم الصورة
من زاويتها


وفعلا عملنا كدا
وف معرض المدرسة
اتحط الموديل بالترابيزة
واتعلقت صور
اكتر من خمسين رسمة
ع حيطة كبيييرة
و المنظر كان روعة

كلنا كنا صح
مختلفين
لكن صح



كانت حصة رسم صحيح
بس مين قال الفن
مش انعكاس للدنيا ؟!


برضو المواقف والاحداث
وحتى البنى آدمين كدا


ممكن تشوفهم من زواية
فتحكم حكم
وتشوفهم
وقت تانى من زاوية تانية
فتحس او تشوف حاجة تانية
خااااالص

العبرة بإنك تشوف الحكاية
من كل الجوانب
اذا امكن
او تستنى شوية
تدى فرص
وتصبر قدر الممكن لحد ما تتسع الرؤية


ويمكن عشان كدا لما حد يسألنى ف مشكلة عويصة اقوله
الوقت هوه حلها
لأن الصبر والوقت
بيخلوك تهدى
وتشوف اللى مكنتش شايفه
وقت الأنفعال والمحنة



انا رغييييت



بس انعكاساً
لفكرة البوست
هقول
زى الزوجة


ان يوسف دلوقتى بعيد
بس قاعد مع ابوه
بيتعلم ازاى يتصرف
زى الرجالة
لأنه كان محتاج لأب


وان انفصاله عنى عنى
مخليه مركز قوى ف مذكراته
فبيطله من الاوائل على فصله ومدرسته



وان ربنا نجانى
من حياة زوجية فاشلة
كان ممكن تقضى عليا
وتموتنى واحدة واحدة بسبب اذى اكبر
كان ينتظرنى


وان دلوقتى بقى عندى
فرصة ابدأ حياة جديدة
مع انسان بحبه و بيحبنى
و بينا مشتركات كتير تسعدنا
وتدفعنا لقدام بسبب النضج والخبرة
اللى مكنتش عندى زماااان يمكن


وان شغلى بعيد
عن مجال دراستى مش معطلنى
وبالعكس مخلينى بقى عندى خبرة مضاعفة عن زمايلى
وانفتحلى منه باب رزق
مكنتش اتوقعه


وان لولا ما مريت بيه من مصاعب مكنتش عملت مدونتى
وانفتحلى منها باب امل وخير
مع ناس كتيييير حلوة
وطيبة عرفتهم ف عالم التدوين


انا ممكن اقعد كمان ساعة
اكتب ف حاجات حلوة شبه كدا


بس كفاية دول مؤكتااااا
عشان الحسد
:)



كل سنة وانتا طيب
وبألف خير


وكما انت كدا
تزداد كل يوم غلاوة
يا غال
يا سال

إنسان || Human said...

رائع
فعلاً النص أشعرني بالإحباط والأمل
زاوية الرؤية هي التي تختلف ...يمكن أن يكون حدث واحد ويكون له أكثر من زاوية للرؤية والتفسير ...تختلف بإختلاف الشخص
تحياتي ...مدونة رائع وقلم ناضج

Dr Ibrahim said...

يجب علينا أن ننظر إلى النصف الملىء من الكوب ونحاول أن نلمىء النصف الأخر..

ودولة الأوغاد موجودة موجودة سواء إمتد الزمن بنا أم لم يمتد..
وقد يكون الأمل هو الشىء الوحيد الذى يعيش به بعض البشر
تحياتى
كل عام وانتم بخير

فاروق سحير ( فاروق بن النيل ) said...

Sal أستاذ/ صلاح العزيز الغالى....
فعلا أنت أستاذ فلسفى فنصف الكوب يراه بعضنا ممتلئا ويراه الآخرون فارغا
وذلك حسب نظرة كل منهم الزوج متشائم ( مع رفضى لهذه الكلمة) والزوجة ( متفائلة) مع رفضى أيضا لهذه الكلمة
والسبب ليس رأيى الشخصى ولكن قول الله تعالى" وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لاتعلمون " والله ياصديقى لو طبقنا الدين بحق لإرتحنا جميعا ولكننا كل ينظر إلى نصف الكوب اللى على مزاجه هوه شكرا لك

Ramy said...

(:

مقدرش غير أنى أبتسم على البوست دة

و معناه الكبير

اللى يارب كًلنا كدة زى زوجة الكاتب

بس تصدق انا بالنسبة ليا السنة دى زى ما هى كاتبة كدة

الحمد لله
الحمد لله


شكراً


كل سنة و انت طيب

ربنا معاك

Tears said...

كانت سنة سوده ما تفرقش عن كل الفين

و ربنا يستر على الباقى

بس اكتر حاجة عجبتنى الصورة

هو فيه حد رجله قد كده
ده مقاسة 63؟

فاتيما said...

انا كتبت تعليق طوييييل

اوع يكون البلوجر عمل حركة
ربع كم ف عز الشتا
ومسحه ؟!

:(

Unknown said...

قصه رائعه قرأتها من قبل لكن كان نفسي أقرأها تاني أشكرك على نشرها
عايزه أقولك اني زي زوجة المؤلف بحب أدور على الجوانب الايجابيه في كل اللي بيمر بينا
كل سنه و انت طيب و بخير و سعاده
و سنه سعيده عليك و على أسرتك و مدونتك الجميله

sal said...

فا تى ما

دو رى مى فا صول لا سى دو

دى تحية موسيقية
هههههههه

مش عايز اكروتك بشياكة وعايز ادوشك واطول الرد

طووووووولى ولا يهمك

sal said...

هيومان

اول ما شفت الاسم جه فى دماغى
هيومان رايتس ووتش

قلت استر ياللى بتستر هو انا غلطت فى حد لا سمح الله
ههههه
نورتنى والله ومدونتك جميلة وتستحق
قمت بواجب الزيارة واستمتعت هناك
شكرا لك

sal said...

د ابراهيم

واضح انك مركز على بيت الشعر اللى فى اخر التدوينة


انا عاجبنى البيت 2
بس لزوم الحبكة الشعرية حطيتهم مع بعض

شكرا لمرورك الكريم

sal said...

استاذ فاروق

معقول اوى يا استاذنا ما ذهبت اليه
بس فين الاستاذ فاروق الشاعر اللى مخدش باله من البيتين اللى فى الاخر


تحياتى وتقديرى

sal said...

رامى

ربنا يسعدك ويزيدك من نعيمه

وكل سنه وانت طيب

شكرا لمرورك المعطر بالامل

sal said...

تيييييييرز

كدا برضو
ههههه
يعنى الصورة حلوة بس الراجل الزاهد المتأمل اللى قاعد على مقدمة المركب فى افق ينبئ بانه اما وقت شروق او غروب
وكل دا فى نهر النيجر
بس مقاس رجله كبييير قوى

هههههه


عارفة انت قلت النصف الفارغ "مقاس الرجل" والنصف الملآن" جمال الصورة" مع بعض... انا عارف انك زعلانة و
شايفة السنة سودة بس ممكن تكون بيضاء السنة اللى جاية واللى بعديها
لن افقد الامل

تحياتى وتقديرى

مغربية said...

تمضي سنة
تأتي سنة
كل سنة وأنت طيب يا طيب

خواطر شابة said...

حسنا سأقوم اليوم بجرد لاحداث 2010 الخاصة بي من وجهة نظر كل من الزوج والزوجة وسأرى أي الكفتين أرجحولو انه كما يقول المثل هنا في بلدي " الحمد لله اللي ما ماكتطول الشدة قد الرخاء"
بمعنى لحظات شقائنا ان وجدت وان خلناها دهرا فهي في الحقيقة لا تكون ابدا بقدر لحظات الرخاء التي نعيشها
اعجبتني الصور الاولى ولو ان الوانها قاتمة بعض الشئ وأضاءتها خفيفة لكن هي هوحية بهدوء كبير وبرغبة في التأمل
الصورة التانية اكثر بهجة واشراق احب انا الالوان المنطلقة
الحمد لله على وجود الامل لولاه لما استطعنا المضي قدما
دمت بكل الود وكل سنة وانت طيب

Unknown said...

السلام عليم
صراحة كنت لسه حغتت عليك كالعاده ,واتكلم انا على النص المليان من الكوب بص مراته سبقتني يالا كل تغتيته وانت بخير

خواطر شابة said...

انا كتبت تعليق ياترى راح فين

sal said...

مغربية

صحيح تروح سنة وتيجى سنة
بس احنا ياترى
محلك سر
والا اوضاعنا بتتحسن او تزداد سوء

اتمنى انها تتحسن
وكل سنة وانت طيبة

تحياتى وتقديرى

sal said...

العزيزة خواطر

يا رب يكون رخاءك وسعادتك اكثر من الشدة هذه السنة وكل السنين

تعليق شامل وافى كعادتك

تحياتى وتقديرى

sal said...

واحد من الناس

شكرا لمرورك المتميز

وكل سنة وانت بخير

السلام عليكم

sal said...

فا تى ما

ايون الموضوخ ليه علاقة ببوست الفلامنجو
وليه علاقة ببوستات سابقة كثيرة
انا بافكر "فكراية" صغيرة

انى اعملها تحديث وانزلها ثانى
انا مؤمن ببدهية التنوع والاختلاف والتعدد لان ذلك من السنن الكونية
وقلت مرات سابقة
إن مصادرة التعدد وادعاء الوصول إلى الحق المطلق هو أحد أسباب شقاء الإنسانية خاصة في عالمنا العربي والإسلامي حيث تمثل النظرة الأحادية القانون الحاكم لكل الحياة سياسية كانت أم فقهية

انا لست ممن يدعون انهم يملكون الحقيقة المطلقة ولكن كل ما يطرح هى اراء واجتهادات
ويجوز الاختلاف حولها ...
السؤال الذى يتبادر الى الذهن ...لماذا نحن أحادين فى نظرتنا وتقييمنا لكل مسألة
او حادث او موقف يمر بنا ؟؟؟ ولسنا توحيديين !!
اجابتى المختصرة تتبلور فى عاملين او سببين
الاول هو الخضوع لطوق فكرنا السياسي التاريخي، الذي لم يكن بكل أسف انعكاسا لمبادئ الإسلام، بقدر ما كان تكييفا لهذه المبادئ مع سلطان القوة...اى قوة السلطة السياسية المستبدة وقوة فقهاء السلاطين
والثانى وربما الرئيسى وهو فى تحوصلنا حول الذات وذلك يرجع إلى تاريخنا الحديث أكثر من القديم، فقد تجاوزت أمم كثيرة قديم تجاربها، وكسرت قيود تاريخها السحيق. ولكننا لم نتجاوز ولم نكسر عقدة الاستعمار،الخارجى الذى كان والداخلى الكائن الان ، وما نتج عن
ه من ردود فعل مغالية على كل ما هو آت من الغرب، ولو كان حقا، بدعوى الحفاظ على الهوية ومن تمحورنا حول الذات بكل مساوئها دون نقد أو مراجعة ، خوفا من المستبد الداخلى . فيصبح كل رأى واجتهاد جديد هو منتج استعمارى
لابد من التصدى له

وأما الرأى الذى ازعم اننى اتبناه وهو والحمد لله غير قابل للبيع
ولكنه متاح مجانا لكل من كان له قلب او القى السمع وهو شهيد ..
انه لا اكراه فى الدين ، ومن باب اولى لا اكراه فيما سواه

طووووولت عليك
معلش كلمتين قبل السنة ماتخلص او العمر يخلص
ماحدش ضامن

ادرك ان


ما يسمونه التنوير هو دخول في مغامرة على نحو من الانحاء، مغامرة البحث والا سئلة والسفر خارج المألوف والمنمط والمستهلك وهو ما تعكسه ردود الافعال المتباينة تجاه ما اسميه " بالتجديد " من ردود ألافعال من قبل فئات مختلفة تتراوح بين الاحتفاء وبين النقد الحقيقي المسؤول الذي نصغي اليه ونستفيد منه وبين الهجوم الواعي لأهدافه. والهجوم الجاهل والعدائي، حيث أن هناك دائما رأيا مسبقا ونمذجة عمياه لا سبيل الى نقضها

خاصة فى واقع متطاول منغلق يحسب ان كل جديد قرين الالحاد والمروق

بس انا ماشى بالصبر والخلق الحسن


لا تحسب المجد تمر أنت آكله
لن تبلغ المجد حتى تلعق الصبر

والله الكلام عندى كثييير حاكتفى لان دا بوست بحاله

كل سنة وانت بكل خير

sal said...

تيييرز

انا فكرت فى موضوع الرجل اللى مقاسها حاجة وستين
فقلت
يمكن يكون معارض وتم اعتقاله
وضربوه "بالفلقة" فرجليه اتنفخت وكبرت
ليه لا
هما فى النيجر زينا وفى الهم سوا

ههههههه

تحياتى

Haytham Alsayes said...

علي فكرة موضوع عدم النسخ دة جه علي دماغي
ياعم الحاج انا عاوز الصورة اللي فوق واللي تحت احطهم خلفيات للكمبيروتر عندى
تحفيز وكدة
بقولك ابعتهم علي الميل

sal said...

ماشى يا عم هيثم
حاضر

Unknown said...

السلام عليكم

جميلة القصة أخي سال..
ذكرتني - إتماما للفائدة- بقصة أكثر اختصارا بكثير:

يحكى أن سجينان نظرا من باب زنزانتهما؛ فنظر الأول إلى وحل الطريق، بينما تطلع الآخر إلى زرقة السماء.

تمت
----------------
نصيحة مكارة لهيثم السايس:
عاوز تتجاوز موضوع عدم النسخ ده بدون ألاعيب برمجية؟ الموضوع بسيط جدا وأتبعه كثيرا......
.
.
.
.
.
.
.
.
.
.
.
.
.
.
.
هبقى اقولك على الميسنجر!! لحسن سال يسمع :)

sal said...

اخى ماجد

اولا حاقولك كل سنة وانت طيب وبخير وسعادة
انت والاسرة الكريمة خاصة بناتيتك الحلوين
.................
والا انت مقتنع بفتوى التحريم اياها
..................
طبعا قصتك اكثر بلاغة وايجازا ومنطقية جدا؟...خاصة ان الوحل لا يأتى الا مع المطر والمطر لا ىأتى الا اذا كانت السماء ملبدة بالغيوم، وعندها لن تكون السماء زرقاء الا فى خيالنا
.................................
بخصوص البرمجة
انا اعترف انى راجل غشيم فى هذا الامر
وما دامت لديك القدرة على الدخول من النوافذ فافعل ما بدا لك
.......................
هيثم ليس مكارا كما عرفته بظهر الغيب
ودخل الولاية من ابوابها
...............
اوعه تزعل منى
انا اخوك فى الله

شكرا على مرورك الكريم
تحياتى

Anonymous said...

مابعترفش بنص الكوب الفاضي والمليء ده :)

انا عندي مج :))

وبحاول املاه دايما على قد مقدر :)

كل عام وحضرتك طيب وبخير وسعاده

تحياتي

sal said...

منورانى يا فتاة الصعيد

هو المج دا صديق للجميع
وانا مش واخد بالى
امليه قد ما تقدرى
وربنا يسعدك

وكل سنة وانت طيبة

Noha Saleh said...

كل سنة وانت طيب
ان شاء الله تكون سنة سعيدة عليك وعلى اسرتك الكريمة

sal said...

شكرا يا نهى

وانتى بالف الف خير