Saturday, January 30, 2010

توهــــان؟؟؟؟؟ 2











احلام


الليلة اللى فاتت حلمت خير اللهم اجعله خير انى زرعت زرعة فى الجنينة بتاعتى ولقيتها بتكبر قوووووى
بصيت للجيران لقيت الزرع اللى عندهم دبلان كده وشكله
لا يسر لا عدو ولا حبيب ...ممكن يا شيخ سيد تفسر لى الحلم ده؟؟؟
الايكو يشتغل ونسمع قرأن كريم

دا يا ام سماح خير كثير جايلك
ابشرى دى بشرى حلوة والله اعلم

الو انا الحاجة اقبال فاكرنى يا سيدنا الشيخ
ايوووووه

انا يا سيدى كنت باقرأ فنجان زمان، بس دلوقت بطلت خلاص
بس اليومين اللى فاتوا كنت بامر بحالة نفسية وحشة؟؟؟
امبارح حلمت اللهم اجعله خير
انى باحلب عنزة سودة حلوة كده ومربربة وقاللولى اللون الاسود دا حاجة وحشة
قلت اكلم حضرتك تفسر لى الحلم ده

لالالالالالالالا
مين قال كده دا انت جايلك خير كثيييير قوى
بس ابقى كلمينى لما يتحقق الحلم ده


الو السلام عليكم
وعليكم السلام
الو ايوه سامعينك
انا كيداهم
حلمت انو جايلنا عريس ولابس ابيض فى ابيض وقاعد يتكلم مع اخواتى شوية
وبعدين دخل البيت ع المطبخ والحمام عدل وراح يصلح فى المواسير والخلاطات والسيفونات
شغل السباكة يعنى!!! وخلاها زى الفل ،،، وبصراحة فعلا فى حد حيتقدم لاختى

يا ترى ايه الحلم ده يا سيدنا الشيخ؟


الله اكبر الله اكبر

من الاخر كده العريس اللى جايلوكم دا عريس لقطة وكله خير
وافقوا عليه بدون تردد والله اعلم



الو ...هالو....هالو
السلام اليكوم
انا انا بركة حسين ابو عمامة الشهير ب
باراك اوباما
انا سمعت ان اونكل شيخ سيد بيفسر الاحلام قلت اتصل بيكو
انا حلمت امبارح حلم طير النوم من عينى
حلمت ان الملا عمر رفس باب اوضة النوم بتاعتى ولما صحيت ووقفت اقدامه
راح ادانى كف جامد قوى لقيت نفسى صاحى وبكلم نفسى

لالالالالالا
ولا تزعل نفسك ولا حاجة دى وساوس الشيطان مش رؤية ولا حاجة
انت بس تقلت فى العشاء



الحمد لله يا شيخ سيد بقت بتجيلنا
مكالمات من امريكا
ودا نجاح كبير قوى
الحمد لله

السادة المشاهدين
فاصل ونعود لاتصالاتكم
وتليفوناتكم

موسيقى ناعمة وصورة الشيخ سيد يضع سبابته وابهامة تحت ذقنة
وابتسامة الضحك ع الذقون
وسلم لى على عقلك

6 comments:

صفــــاء said...

المطلوب نسلم عقولنا وخيالنا وحتى احلامنا
زى ما سلمنا دينا قبل كدة لشيوخ يقولو لنا ناكل ازاى ونشرب ازاى وننام ازاى وندخل الحمام ازاى
دلوقت كمان بندى عقلنا للى شوفناة واحنا نايمين
ومستنين حد يجيى يفسره لنا ويقولنا نتصرف ازاى
الضحك على العقول
وهى فين العقول عشان ينضحك عليها
لو فيه عقول كنا على الاقل فسرنا احلامنا لنفسنا

Anonymous said...

هههههههههههههههههه

انا موش بحلم طيب ... اتصل بمين طيب ؟

عته رسمي بس اعتقد ان حلم معرفه الغيب من اكثر ما يؤرقنا

تحياتي

sal said...

انا حلمت امبارح ان مصر حتكسب الماتش
بس فاتتنى اتصل بالشيخ سيد بتاع قناة المحور
صفاء ، فتاة الصعيد
مبروك وشكرا للزيارة
الكريمة

خواطر شابة said...

انا استغرب من المتصلين وممن يوقفون قرارات مصيرية لهم على رد هذا الشيخ او ذاك انه جنون بدون ادنى شك وفعلا احسن تعبير له هو كلمة التوهان

Tears said...

ده جنان مش توهان...خرافه و دجل و نصب

ما خلاص الناس ادروشت لدرجة انهم اجننوا

sal said...

خواطر شابة
تيرز
احيكما واشكر لكما حسن تواصلكم
انا حطيت التدوينتان السابقتان كنوع من خمسة لقلبك...واهى بيبان وبلاوى فى واقعنا حبيت انى اسخر منها
سموها توهان سموها جنان ،بلاوى
اهو كله واقع معاش لعل من يمر عندى مرور الكرام
يقيمنى ويضعنى فى خانة الساخطين على مثل تلك "الهيافات"وذلك يكفبنى
سمعة وعنوان
تقبلا تقديرى