Friday, January 14, 2011

فلفـل حــــار ؟؟؟



















يعنى ايه رأس السنة ؟

: يعنى اااااخر يوم او ليلة او لحظة فى السنة

:طيب هو الراس فى الاول والا فى الاخر...ممكن نقول مؤخرة السنة افضل

دا حتى اولاد ال....اللى قلبوها نكد؟ ماعندهمش راس ولا دماغ ولا عقل

: وبعدين معاك ...انت مش حتبطل سفسطة ورغى

:خلاص بطلت .. ايه الاخبار عندك ؟

::شوف يا سيدى

جوجل كان محتفل براس السنة الميلادية وحاطط الفلفل الحار من ضمن ايقوناته

فبحث عن السر ...لعل الامر يعنينا وتكون به الفائدة ....وكانت السطور التالية ...

ابدأ معك بملاحظة تقول ان
المحتوى العام من الفيتامينات والمعادن ليس الوسيلة الوحيدة التي يجري بموجبها قياس المقومات الصحية لأى طعام.

وبما ان موضوعى اليوم معك عن الفلفل الحار

فالفوائد الحقيقية له قد تأتي من تأثيراته الايجابية على عملية الأيض


"حلوة الايض " دى ...يعنى الثمتيل الغذائى ...آه طيب


:: اكد الباحثون وأفادوا أن استهلاك الفلفل الحار من شأنه زيادة عملية التمثيل الغذائي (الأيض) ورفع مستوى أكسدة الدهون.

وأظهر عدد من التجارب أن هناك زيادة في مستويات هرمونات الـ «ايبنفرين» والـ «نورابينفرين» بعد وجبة غنية بالفلفل الحار،

مما قد يعني انها تنبه الاستجابة الى عملية ((((«التصدي والمجابهة، أو الفرار))))

.....................................

: التصدى والمجابهة ...أو الفــــرار !!؟ اليس الامر هام ونحن معنيون به ؟ وعلى الاخص الصمود والمجابهة
كمل بسرعة الله يخليك....شوقنا اكثر شوقنا...هههههه..

..............................................
: يساعد إغناء مذاق الطعام ب الفلفل الحار في تخفيض المستويات العالية من الأنسولين التي تعقب عادة الوجبات الغذائية،

مما يعني أن له تأثيرات في منع الاصابة بداء السكري، والمساعدة على إدارته

ونحن نعلم ما للسكرى من مضارعلى اجهزة واعضاء الجسم من انهاك وتدمير مما يؤدى الى التوقف عن اداء عملها

مؤديا بذلك الى قلة التفاعل وقلة الحركة فى الحياة وما يتبع من قنوط ويأس واستسلام –

............................

: قنوط ويأس واستسلام !!!

آه معاك حق ...فيه منه كثيييير

انت بتتكلم جد؟

يعنى ممكن نتخلص من القنوط واليأس بالفلفل الحار؟
..................................

: انا حأقولك كل اللى اعرفه وانت حكم دماغك ...

الفلفل الحار يا صديقى مصدره يأتي من أصل أو جنس من نبات ، وهو الـ »،

Capsicum

ولكى لا نربك الأمور أشير الى ان أصل الـ «كابسيكوم» يشمل أيضا أنواعا أخرى "حلوة" نعرفها بالفلفل "الرومى" ،وهو غير معنى هنا ،


والذى يهمنا هوالفلفل الحار الذى يحتوي مركب الـ «كابسياسين

capsaicin.


والـ «كابسياسين» الحار جدا - يا صديقى - لا يذوب بالماء ، لذلك إذا تناولت كمية كبيرة منه املا وطمعا فى

وقاية من السكرى أو اليأس والقنوط ..او بحثا عن المواجهة والتصدى للخنوع والذل فإن بلسمه الناجع - هو

شرب الحليب، أو تناول اللبن الزبادي!!!

..واضيف ايضا ان الأطباء ينتقدون الصورة النمطية القائلة إن مستخدمي الفلفل الحار

يعانون من مشاكل معدية وحالة نفاذ الصبر السريع ويشدد هؤلاء الأطباء على أنه لا علاقة بين الفلفل الحار وتلك الاعراض

ويفسرون سبب تلك الصورة النمطية الى أن الإكثار منه قد يسبب زيادة في حركة الأمعاء مما قد يؤدي إلى لين وإسهال خفيف فقط!! ادى كل الحكاية

وانتم تعلمون ان فى الحركة بركة...ولذا فلا مشكلة فى الامر ...

أما ما يجب ان نركز اهتمامنا عليه فهو فوائده التى لا تحصى والتى اشرنا الى بعضها واضيف :

** تحسين قدرة الجهاز الهضمي على عملية الهضم ، وتنشيط الدورة الدموية ، وتخفيف الشعور بالألم مع ازالة التوتر ،

ويساهم في تقليل الشعور بالألم مع زيادة حيوية الحسم ، وتقول الدراسات إن تدليلكه على الجلد يخفف من الألم وتحديدا

ألم المفاصل .

** هاضم ومنشط للعصارة المعدية وله تاثير علي دهون الدم ومنشط للأوعية الدموية. طارد للأرياح ومعرق ومفيد في الربو

والبرد والتهاب الشعب الرئوية ومنشط وضد الأورام ومجدد لخلايا جهاز المناعة في الدم والطحال والأنسجة الليمفاوية ومنشط لإفراز مركبات الأجسام المضادة

(immunoglobulins)


التي تحسن جهاز المناعة....

: اه ما دام دخلنا فى الجهاز المناعى فالموضوع جد مهم

نريد ان نقوى مناعتنا ضد السكون والخضوع والظلم

....اذا ما علينا الا تغيير نظرتنا الى الفلفل الحار

اكمل يا صديقى

** تساعد الفليفلة(بادلع الفلفل الحار ) على تنشيط حركة الدم أكثر من أي نبات آخر.. ولذلك فقد وصفت بأنها أحد أفضل النباتات الملائمة للأزمات،

كونها ترفع من كفاءة عمل جهاز الدورة الدموية كما انها تعزز طاقة الجسم وتخفف من آثار الإجهاد الذي يتعرض له الإنسان،

وكشفت التجارب التي أجريت في جامعة دوسلدروف عن أن الفليفلة تزيد من قدرة المريض على التركيز

: يا سلااااااام .... يعنى اللى عايز يبقى نشيط وايجابى وحركى

عايز تركيزه يكون قوى حتى يستطيع ان يقاوم كل الاحباط المحيط به

ما عليه الا تغيير نظرته الى "الفليفلة"

ياااااه... اول مرة اخد بالى....كمل

................

** أجرى بعض الخبراء الصينيين في مجال الطب والتغذية تحقيقات في مقاطعتي هونان وسيتشوان المشهورة بكثرة تناول سكانها الفلفل الحار

فكشفوا أن نسبة الإصابة بقرحة المعدة بين سكان المقاطعتين منخفضة أكثر مما في المناطق الأخرى

نظر للدور الهام الذى يقوم به الفلفل الحار فى تجديد الغشاء المخاطي في المعدة وحماية وظائف خلايا المعدة والأمعاء ويمنع السرطان....

: عافانا الله واياكم دى هدية السنة الجديدة على كدا ..و ..
خاصة ان احنا عارفين ان مسببات السرطان عديدة من مياه ملوثة الى اطعمة بها مواد كيميائية حافظة مسرطنة

الى جانب كثرة استخدام المبيدات
>>>>>>>>>>>>>>>>>>>>>>>>>>

: اخيرا وليس اخرا
الوقاية من حصوة المرارة

:: آه ....وصلنا الى امر هام ...خاصة ان حالنا "يفقع" المرارة

الفلفل الأخضر الحار يحتوي على فيتامينات وافرة وخاصة فيتامين( سي) ويحول الكولسترول إلى حمض الصفراء مما يشكل

الوقاية من حصوة المرارة. ويجب على المصابين او المرشحين للاصابة بهذا المرض أن يأكلوا دائما الفلفل الاخضر الحار

>>>>>>>>>>>>>>>>>>>>>>>>>

أممممممممممممممممم .....

:الفلفل الحار هام جدا لاهل البدانة والسمنة التى تعيقهم عن الحركة

لأنه يذيب الدهون داخل الجسم بشكل فعلي ويدفع الأيض اى الثمتيل الغذائى وذلك

يساعد على تخفيف الوزن وهو خبر مفرح للكثيرين والكثيرات
....................................

: عندك حاجة ثانية ؟

:: آه ...لسه عندى حاجات ...قربت اخلص ..


يقوي من تأثير الثوم ليصبح شبيها بالبنسلين... مضاد حيوى وسعره مناسب يعنى !!!

اضافة الى أن الثوم والفليفلة معا يعملان على تخفيض ضغط الدم بسرعة وبشكل آمن.

ولذا لو حدث ما يعكر صفوك فى الشارع او انت تقرأ الجريدة او تتفرج على الاخبار فعليك بالنصيحة

يقلل من الألم، كما أنه يهدئ من حدة الصداع عند استنشاقه

::"" دى احلى طريقة ؟ ""

ههههههه

: اخيرا كشف باحثون مختصون عن أن رائحة ومذاق وشكل أطعمة معينة على رأسها الفلفل الحار

تشعل لهيب الحب
وتثير الرغبة العاطفية بين الزوجين.

لاحتواءه على مواد كيميائية منشطة للدماغ ورافعة للمزاج

:::: خلاص كفاية على كده ..هو احنا عايزين ايه اكثر من كده

بذمتكم بعد كل اللى قاله صديقى ...

فيكم حد ممكن يقول على الفلفل الحار اى حاجة وحشة لا سمح الله

تحديث :::: تصدق يا صديقى وبعد اللى حصل فى تونس...دورت ع السبب ؟

قالولى التوانسة بيحبوا ياكلوا الفلفل الحار


مشاهدة الصورة بالحجم الكامل

يااااااه

ليس لى الا ان اصرخ كصرخة ارشميدس ...وجدتها ...وجدتها

يا رب

وحتبقى سنة سعيدة علينا ان شاء الله

15 comments:

MR.PRESIDENT said...

لو ظابط دلوقت سألني هقوله " مليش فيها يا سعادة البية الباشا أمين الشرطة .
ولا عمر سمعت أصلا عنها .. هيا ايه الشيطيطة دي أصلا جاية من شاطة .
ولما قريت فوائدها خصوصا للمتجوزين .. عرفت ليه في المعهد لما يجيبوا أكل مش بيرضوا يخلوني أمد إيدي عليها .

بص يا عم أول قرار رياسي ليا
" منع الشطة منعا تاما واعتبراها من الأغذية المحظورة المسبب تقلبات في مقالد الحكم "

MR.PRESIDENT said...

اخي العزيز سال بعيدا عن الموضوع عبال بس ما يتم تفعيل " تمرة " أقترح كتاب " عصر العلم " إيه رأيك عبال ما تبقي الكتب بالترشيح أو هنشوف نظام مع بعض .

sal said...

لووووووولللللللووووولى


ماشى يا ريس
هما كدا الرؤساء المنتخبين بارادة شعبية انترنتاوية دائما قراراتهم على صواب

ماهى الشطيطة حل كوميدى لازمة تناحة الناس يا ريس

تحياتى وولائى

Tears said...

البوست ده بيوجع البطن :))

فتاه من الصعيد said...

:)

درسولنا في الجامعه الكابسيكوم ضمن السموم :))

نظام تعليمي فاشل :))

تحياتي

sal said...

تييرز

الف سلامة عليك

sal said...

فتاة الصعيد

كل سنة وانت طيبة يا دكتورة

هى جت على دا بس
حاجات كثيييير فهموهالنا غلط
واحنا قبلناها
مفاهيم عقائد تعليم

لذا وجب التنويه
هههههههه

تحياتى وتقديرى

amiralcafe said...

http://amiralcafe.blogspot.com/2011/01/blog-post_8299.html

فاروق بن النيل said...

Salأستاذ صلاح.............
أولا : العرب بيسموه الفليفلة وفيه مطعم كبير لهم بهذا لإسم فى مصر وله فروع مثل ماجدونالدس يعنى موش إسم دلع
ثانيا: معظم العرب بيحبوه وبياكلوه وموش شايف نتيجة بل العكس تايهين
ثالثا: التونسيين عندهم كرامة وعزيمة ونخوة موش فليفلة حمرا
رابعا: على رأى تييرز وجعت بطننا
خامسا: ماباإحبوش وإن شاء الله موش محتاجه ضد النظام الحاكم محتاج عقلى
شكرا ياعم موش عايز بواسير وتعب بالقولون

sal said...

استاذ فاروق

البوست دا كان عايز من حضرتك
شوية تروى
هو كله اسلوب سخرية
وموجهه الى كل من يرى الاحداث
ببرود وسلبية
فاحببت ان امزح واقول
ربما الفلفل الحار ينفع
بس ادى كل الحكاية
حفظك الله من كل مكروه

تحياتى وتقديرى

جايدا العزيزي said...

ههههههههههههه

وانا بقوووووووووووول بموت فى الفل ليه

تصدق ما كنتش اعرف وباكل ليل نهار فيه

اعتقد كنت عايز تقول حاجه

ايه رائيك نعمل رضعه الاطفال المصرين فلفل حار جدا بس بعد ما نجربها على شباب مصر ورجالتها

ههههههههههه

جايز لما قامت ثورة52 كان غذائهم الاساسى فلفل حار

فلسفتك تحيرنى لبراعتك اخى

تقديرى

تحياتى

sal said...

جايدا

هههههههه

والله انت فاهمانى
ولا فلسفة ولا متيرة ولا حاجة
انت ببصيرتك عبرت باسلوب ساخر يقترب كثيرا مما انتويته من هذا البوست
بس للاسف بعض احبابى
القوا فى روعى الخوف
لانهم لم يروا ما رأيته انت
ربما كنت مخطئا

شكرا لحسن تواصلك
تحياتى وتقديرى

فاروق بن النيل said...

Sal
التعليق عندك على موضوع " شكرا للشعب التونسى " مغلق كنت أود أنأقول فعلا تذكرت "شاسيسكو" الطاغية عندما أجبره شعب رومانيا على الإستسلام وقتلوه وهربت زوجته وهكذ نهاية كل طاغية شكرا لك أخى هذا التحليل الرائع

ماجد القاضي said...

السلام عليكم

بجد ربط جميل جدا.. وحراء جدا!!!

أنا عاشق للفلفل الحار بطريقة مخيفة!!

مجرد صورته في البوست خليتني رايح آكل منه شوية.. بجد مش هزار!!!

تحياتي أخي الكريم.

sal said...

ماجد
وعليكم السلام

انا قلبى بيقولى ان فيه مشتركات بيننا
بس كل واحد ومنهجه وطريقته
............
يعنى مثلا انت بتحب الفلفل الحار الاخضر
وانا بحبه مخلل
والطرشجية اشتكوا من كثر مراسيلى
هههههه
.................
استحلفك بالله لو مد الله فى عمرك
وبعد عشر سنوات من الان

واصابتك بعض "العدوى الفكرية"
ههههه


وتغير رأيك فيما
اختلفت فيه معى

ان تدعوا لى بالرحمة والمغفرة بظهر الغيب


يا ريت ما تفهمنيش غلط

السلام عليكم