Wednesday, June 9, 2010

يحكى أن ...؟؟؟


















يُحكى أن

ملك من "القرون الوسطى" كان يحكم شعبا حرا كريما، وكان هذا الشعب رغم طيبته وبساطته
وعلاقاته الطيبة لا يسكت على باطل أبدا، ولا يدع الملك أو أي وزير من وزرائه يظلمون أحدا منهم
فإذا ظُلم أحدهم وقفوا وقفة رجل واحد حتى يُرد الظلم عن أخيهم
*******
"طبعا اللى فات دا خيال فى خيال
*******
أخذ الملك في حيرته يسأل وزراءه عن الحل.. وكيف له أن يحكم هذا البلد كما يريد
فخرج من وزرائه رجل داهية فأشار عليه...قائلا
فى البداية

نتبع معهم سياسة البيض المسروق

ما تلك السياسة؟

*******

نادى في الناس أن الملك يريد من كل رب أسرة خمس بيضات من أي نوع.. حمام، دجاج، بط
احجامها متباينة فقام الناس بجمع البيض والذهاب به إلى قصر الحاكم..

وبعد يومين نادى المنادي أن يذهب كل رجل لأخذ ما أعطاه من البيض.. فاستجاب الناس وذهب كل منهم لأخذ ما أعطاه...

وهنا وقف الوزير والملك وحاشيتهم وهم يتابعون الناس أثناء أخذ البيض..
ترى ما الذي وجدوه؟

وجدوا كل واحد تمتد يده ليأخذ البيضة الكبيرة!! والتي ربما لم يأتِ بها
هنا وقف الوزير ليعلن للملك أنه الآن فقط يستطيع أن يفعل بهم ما أراد.. فقد أخذ الكثير منهم حاجة أخيه
ونظر كل منهم لما في يد الآخر..... انه الطمع والاثرة والانانية
فلن يتجمعوا بعدها أبدا

*******


تلجأ بعض الحكومات لانتهاج نفس السياسة، تجويع الناس ليقوموا باللجوء إلى المال بوسائل غير مشروعة
وتوزيع غير عادل للثروة عن عمد وقصد
ينشأ الحقد والحسد بين الناس وهو ما يجعل اهل السلطة امنين فى حكم شعوبهم

*******
\\\\\\\\\\\\\\\\\\\\\\\\\\\
ومر الزمن
\\\\\\\

وقامت فئة واعية تبصر ما فعله الملك بشعبه أخذوا يثورون ويطالبون بحق الشعب في الحياة الطيبة
(طبعا هذه احلام تحقق القليل منها
،،،،،،
نهايته
،،،،،،،،
لجأ الملك للوزير
فأشار عليه بسياسة العمليات الحسابية

فما هذه السياسة؟

*******

أن يستخدم الحاكم العمليات الحسابية: الجمع والطرح والضرب والقسمة.. في تعامله مع هذه الفئة التي تطالب بحقوقها وحقوق الوطن...كيف؟

أولا يبدأ بعملية الجمع.. فيجمع ما استطاع منهم حوله بأن يتقلدوا المناصب ويأخذوا الأموال والأوسمة فينسوا القضية بعد أن يكسر الملك عيونهم بفضله عليهم


أما الفئة التي تظل على موقفها وبالضرورة هم قلة فيلجأ الملك للطرح.. فيطرحهم أرضا بتلفيق القضايا واستخدام نقطة الضعف في كل واحد منهم وبذلك يتواروا
عن الأنظار إما خجلا أو خلف غياهب السجون، شرط أن تكون كل القضايا بعيدة عن خلافهم مع الملك.. أي يكون التدبير محكما ونظيفا


أما من تبقى وهم قلة القلة فإذا خرجوا يهتفون وينددون...
فالرأي أن يلجأ للعلامة الثالثة من العلامات الحسابية وهي الضرب.. فضربُهم وسحلُهم والتنكيلُ بهم في الطرقات سوف يخيف الباقين من تكرارها

*******

تساءل الملك: ترى ما الذي سيكون عليه حال الشعب بعد ذلك؟
فضحك الوزير قائلا يا سيدي لم يتبقَ للشعب في معادلتنا سوى علامة واحدة

هي القسمة


قال الملك وماذا تعني؟
فأجاب الوزير أعنى أنه لن يكون أمامهم سوى أن يخضعوا ويفلسفوا عجزهم بقولهم
قسمتنا كده؟
ربنا على الظالم؟ يعني على جلالتك
وده أمر مؤجل ليوم القيامة
....


هنا ضحك الملك وضحك الوزير ومازالت أصداء ضحكاتهم تملأ الآفاق
حين اصبح الشعب مكتوف الأيدي بعد أن كبله الخوف وطحنه البحث عن لقمة العيش
وهو يهمس قائلا

قسمتنا كده.. ربنا على الظالم

ولا زال العرض مستمر
**********************************************************************************

قسمتنا احسن من كده
فالاكتئاب والانسحاب والسلبية
لن تقدم لنا حلولا
للمعادلات الحسابية

منقول بتصرف من ايميل وصلنى من زمااااان

31 comments:

-_- said...

فعلا دي العلامة اللي بنستخدمها دونا عن غيرها

Tears said...

بجد ممتاز بس مين يفهم

المشكلة الحقيقية مش فى النظام انما فى الشعب

قالوا ايه فرعنك؟
.....................

bentelghrob said...

انا اول مره أذور مدونتك
وان شاء الله مش هتكون الاخيره
صحيح انا مليش فى السياسه لكن اسلوبك فى سرد الواقع شدنى اوى
وفعلا هيا دى العلامه الى بنستخدمها
ونامل من الله ان الحال يتغير
لكن الطمه والاثره والانانيه كتروا اوى فى كل مكان وفى اى موقف
اتارينى بقول البيض راح فين
سلمت يمينك
وربنا يوفق الدنيا على بعضها
تقبل مرورى انا بنت الغروب وان شاء الله يديم التواصل واسمح لى اكون من المتابعين واضيفك عندى فى الليدر
تحياتى

أنا - الريس said...

أنا كنت عايز اكتب كام بيت بالفخر .. لكن خجلت من نفسي .. وقلت قسمتي ان الموضوع متشحور اصلا .. ولكن .. يبقي الأمل .. ان اللي اتجمع يفوق .. اللي اطرح يقوم .. واللي اتضرب يخف .. واللي اعتمد علي القسمة يحس إن ربنا مع العامل مش مع النايم ..

وتحياتي .. لتصريفك الظريف .. في امان الله .

Tarkieb said...

دلوقتي سياسة البيض اللي مشش .....جميل اللي بين سطور كلامك.....

خواطر شابة said...

توصيف رائع للحال تعرف ما مشكلتنا مشكلتنا اننا اصبحنا نعرف تماما موضع الداء وياللعجب نعرف الدواء ايضا ولكن وياللمفارقة لانستطيع اخذ الدواء اما عجزا او خوفا او تكاسلا او اتكالية على ان الشافي هو الله
تحياتي وودي

Haytham Alsayes said...

لا اتعجب كثيرا
شعب ينام وحاكم يفعل مايشاء به
الشعب المصري او الشعوب العربية عموما تعودت علي تأليه الحاكم والعياد بالله وكأنه لا يخطأ ولا يسأل وهم يسالون
عندما دخل احد القادة المسلمين علي ملك الفرس بعد فتح هذه البلاد وكان سياق الكلام حول اتهام الملك باحتلال المسلمين ببلاده فقال القائد نحن جئنا لنحرر الناس من عبادة العباد الي عبادة رب العباد
هكذا النظرية ياما تتبع الحاكم وتعبد مصالحك
ياما تتبع تعاليم الله في كتابه والمبادىء التي تحقق العدل والمساواة اينما كانت وكيفما كانت

ببساطة اما ان تتبع الحق واما ان تتبع الظلم والهوى والسلطان
ولازلنا بمفهوم العصور المظلمة او عصور الجاهلية الاولي الي الان

ولنا الله

اما ان نصحو او ليشملنا الله بعذاب من عنده وخلاص علي كدة

تحياتي

هراء لا داعى له ..... said...

كله محتاج تغيير


الحاجات إللى محتاجة تتصلح محتاجة تتصلح عبر أجيال

أو إننا نشيل الشعب دا كله و نستورد شعب جديد أساسا



عندنا فى الطب البيطرى

كان فى بعض الأمراض الوبائية التى لا يصلح معها أى علاج أو أى تدخل

إلا بإزالة المزرعة كلها و قتل كل الطيور و حرق الفرشة و إنشاء المزعة من أول و جديد


لكن بما أننا لسنا فراخا

إذن فالحل هو الإصلاح طويل المدى


الشعب دا لازم فكره يتأسس من أول و جديد


لكن أول طوة حقيقية للإصلاح هى الثورة

ولا حل غير الثورة

الحلول الناعمة لن تجدى نفعا

لازم نتخلص من الشموليين و الأتوقراطيين و قمم الرأسمالية

و نبدأ بعدها نأسس فكر الشعب من جديد فى ظل نظام حكم إسلامى ديموقراطى

sal said...

شارم

فاكر....؟ الاصوات التى كنت اعتقد انها
تهتف باسم سيادتك؟
طلع حلم
وتبين لى انها تهتف قائلة
قسمتنا كده!!!!!!

لا تنزعج بكره يغيروا رايهم

تحياتى

sal said...

تييرز

معلش احنا لسه فى حضانة مدرسة الوعى

ربما ساهمت خربشاتنا فى اليقظة
والكلمة الطيبة صدقة
ولا يأس مع الحياة

تحياتى

sal said...

بنت الغروب

نورتينا وشرفتينا
غدا تشرق الشمس
شكرا لمرورك الكريم
تحياتى

sal said...

سيادة الريس

مالقيتش احسن من كلماتك التالية


يبقي الأمل .. ان اللي اتجمع يفوق .. اللي اطرح يقوم .. واللي اتضرب يخف .. واللي اعتمد علي القسمة يحس إن ربنا مع العامل مش مع النايم ..

رائع يا ريس فى تدويناتك وتعليقاتك

تقبل تحيتى وتقديرى

sal said...

تركيب

انت اللى جميل
ايها النبيه الموهوب

تحياتى وتقديرى

يا مراكبي said...

شكرا للنقل .. موضوع متميز جدا .. وبالذات في طريقة العمليات الحسابية

الغريب جدا هو موضوع القسمة

فالناس تحتسب الظلم عند الله عز وجل .. وكلنا على يقين من أنه سبحانه سيقتص من هؤلاء الحكام

لكن رغم ذلك تجد الحكام يضحكون ولا يخافون من ذلك اليوم الذي سيقفون فيه أمام اللع عز وجل ويحاسبون .. وهو أمر لا أفهمه أبدا .. فكيف لهم أن يطمئنوا هكذا؟

sal said...

خواطر

تعليقك رائع

""
اننا اصبحنا نعرف تماما موضع الداء وياللعجب نعرف الدواء ايضا ولكن وياللمفارقة لانستطيع اخذ الدواء اما عجزا او خوفا او تكاسلا او اتكالية
"""
الشافى الله
نعم ولكن بعد ان نقوم بما هو مطلوب منا...لابد لنا ان نزرع حتى نحصد
اكيد انت عارفة
اذا الشعب يوما اراد الحياة
فلابد ان يستجيب القدر
انا عارف انك عارفة ،بس ..منعا للالتباس

لك كامل تقديرى

sal said...

صديقى هيثم

قال السفير المسلم ربعي بن عامر رضي الله عنه لرستم قائد جيش الفرس في القادسية
"الله ابتعثنا لنخرج "من شاء من عباده "من عبادة العباد إلى عبادة الله ومن ضيق الدنيا إلى سعتها
"""

اتيت بهذا النص
لانى مؤمن ومعجب ايما اعجاب
بالكلمة بين القوسين
وهى "من شاء من عباده"؟
وفى نص اخر "من شاء منكم"؟
انا مش عاوز افوت الفرصة لاؤكد
على اللا اكراه
....

نحن لا نكره احد على شئ
ولا ندعى امتلاك الحقيقة المطلقة
من خلال "خربشاتنا" نقدم اراء وافكار
فمن شاء ان يأخد بها ومن شاء تركها
.............
صديقى العزيز انت شكلك كده على اخرك
وزعلان من السلبية اللى ماليه "الواقع"؟
فيه مثل فرنسى بيقول ما معناه

شوية شوية العصفور يبنى عشه


تقبل تحياتى وتقديرى

sal said...

هراء لا داعى له

ايها المتمرد لوجه الله
قم بثورتك واانا معاك
بس مش حنلاقى حد معانا الا القليل
ههههه

حبه حبه يا دكتور وكل حاجة بتتغير
ودوام الحال من المحال

""""


إذن فالحل هو الإصلاح طويل المدى


الشعب دا لازم فكره يتأسس من أول و جديد
......
هذا ما يجب ان نساهم فى تشكيله ولو بالقليل

تحياتى وتقديرى

sal said...

يا مراكبى

الحكام يا صديقى ،الاله بالنسبة لهم هو الكرسى...

دا من ناحية ومن ناحية تانية
دول عندهم "كالو"بعيد عنك
وفقدوا الاحساس

شكرا لمرورك الكريم
تحياتى

Anonymous said...

ههههههههههههه

قسمتنا ليست كده ... دي اقدار صنعناها بايدينا

تحياتي

sal said...

فتاة الصعيد

ايوه قسمتنا مش كده
واحسن من كده كمان
بس الناس اللى بتلككوا
يرموا كل حاجة على القدر ويريحوا دماغهم ان وجد
والحقيقة هى
ان الله لا يغير ما بقوم حتى يغيروا ما بانفسهم

حمد الله ع السلامة
تحياتى

البنفسج الحزين said...

بس بذمتك مش الوزير اللي بيشور عليهاالشورات الهباب دي ابن جنيه....
هههههههه

sal said...

البنفسج


طبعا دا ابن ستين جنية
وفى كل عصر تلاقى النموذج دا
ههههههههه هى الدنيا كده
بس قسمتنا مش كده

تحياتى

البنفسج الحزين said...

أحيل إليك" التاج السلطانى" وأسئلته هي:
1-اذكر اسم من طلب منك حل هذا الواجب.
2-اذكر القوانين المتعـلقة بهذا الواجب.
3-تحدث عن ستة أسرار قد لا يكتشفها من يقابلك للمرة الأولى.
4-حّول هذا الواجب إلى ستة مدونين، واذكر أسماءهم مع روابط مدوناتهم في موضوعك.
5-اترك تعليقًا في مدونة من حّولت الواجب عليهم؛ ليعلموا عن هذا الواجب
جاوب وربنا معاك ...

sal said...

البنفسج المبهج

شكرا لدعوتكم الكريمة
ولكنى اجد ان الامر جد صعب
فكيف استطيع الحديث عن نفسى
؟؟؟
ستأخذنى ذاتى "الانا" ان اتحدث بكل ما هو حسنعن نفسى رغم ان الحقيقة لا توجد نفس انسانية بلا عيوب
ولو عملت صريح...حاغلف عيوبى بالسلوفان حتى يكون لمعان يغطى الجوهر!!!؟

انا اقدرعلاقاتى الافتراضية كثيرا
وعندى فكرة كنت بافكر ان متابعى مدونتى
يقولولى بصراحة ايه انطباعهم عنى حتى اعرف اخطائى واحاول الاصلاح

كل شكرى وتقديرى لك
وتقبلى تحياتى

فضفضه said...

قسمتنا كده.. ربنا على الظالم

لا مش قسمتنا كده ومينفعش الخضوع والاستسلام
بوست جميل تسلم ايدك ياعظيم

sal said...

فضفضة

شكرا لمرورك الكريم
القفلة كبيرة اوى علي

العظمة لله

تحياتى

sal said...

ام الخلود

شكرا على الدعوة
بس انا مش عارف يعنى ايه
يعنى ايه المقصود بالحملة دى
ايه امة محمد
وجنسيتى انسان

؟؟؟؟؟؟؟؟؟؟؟؟؟؟؟؟؟؟

تحياتى

(ست* جنى* الحسن) said...

سلامو عليكو..
عندك حق هى دى العلامة الاكثر استخدام فى مصر.
يارب تتغيروتكون جمع بس للناس تتجمع على كلمة رجل واحد وقلب رجل واحد.
الله لمستعان
لك تحياتى

hend anwar said...

تدوينة رائعة
وبجد ماينفعش مع حكومتنا دى الا ثورة ولا دى كمان مش قادرين نعملها حسبنا الله ونعم الوكيل

sal said...

ست جنى الحسن

سعيد بزيارتك الكريمة
تقبلى تحياتى

sal said...

فرىدوم

الثورة عايزة تحضييير وتهيئة وترتيبات
وقناعات
احنا معاك على كل حال
تحياتى وتقديرى