على بلد المحبوب ودينى
زاد وجدي والبعد كاويني
ياحبيبى انا قلبى معاك
طول ليلي سهران وياك
تتمنى عينى رؤياك
أشكي لك وأنت تواسينى
يا هنايا لما افرح بيك
واتهنى بقربك واناجيك
وعنيه تبقى في عنيك
احكيلك وانته تراعيني
يامسافر على بحر النيل
أنا ليه فى مصر خليل
من حبه مابنام الليل
على بلد المحبوب ودينى
................................................
تاريخ: 1935
كلمات: احمد رامي
الحان: رياض السنباطي
مقام: بياتى
22 comments:
انت فكرتنى بالسنة اللى فاتت حضرت راس السنة مع ناس بعزها و سمعت ام كلثوم (:
بجد
يامسافر على بحر النيل
أنا ليه فى مصر خليل
من حبه مابنام الليل
كل سنة و انت طيب
دي اسمهان ياريس مش ام كلثوم
رامى
كل سنة وانت طيب
ربنا يجمعك مع الناس اللى بتعزها على طول المدى
تحياتى
وكل سنة وانت طيب...بس الغريب انهم كانو بيكرهو بعض وتحصل لغبطة بينهم هههههه
الفنان تركيب
انا اطلقت عليك لقب فنان
بس المرة دى ماجتش معاك
ياسيدى انا متأكد انها لام كلثوم
وهى اول اغنية ليها من الحان السنباطى
واتحداك لو اثبت غير ذلك
اكتبها عندك فى اى باحث وحتلاقى المعلومة
معلش المرة ادى
باين انك ماسمعتش الست وهى صغيرة
تبقى انت سمعت من انت عمرى وطالع
............
كل سنة وانت فايق ورايق يا فنان
تحياتى وتقديرى
بص يا سال
انا كالعادة كسول
وهحط نفس التعليق اللي علقته من شوية
بعد تعليقك
كسل بقي تعمل ايه ؟ دا نصيبك وقدرك
حد يقول "للقدر " لا ياريس :)
أعزك الله يا سال الخير .
كل اللي اقدر اقول كلمات نجم في تلك البهية العزيزة .. القاسية .. اللي مش راضية تبلع الظالم بقوتها .
مصر يااما يا بهية
يام طرحة وجلبية
الزمان شب وانت شبة
هو رايح وانت جية
ولا قولة تميم البرغوثي
قالولى بتحب مصر .. قلت مش عارف
أصل المحبة بسيطة و مصر تركيبة
و مصر حلوة و مرة و شرحة و كئيبة
دانا اختصر منصب الشمس وأقول شمعة
ولا اختصر مصر وانده مصر يا حبيبة
وأكيد مصر هترد وتقولي يا واد يا ريس
" أنا ان قدر الاله مماتى * لا ترى الشرق يرفع الرأس بعدى " بتماسي إبراهيم ناجي
أرد عليها بشعر شوقي :
وطني لو شغلت بالخلد عنه * نازعتني في الخلد نفسي
علقت نفس التعليق عند قلب القطة - وناسبنا الحكومة - :)
سيادة الريس
المهم عندى طلعتكم البهية
حتى ولو حاطط بوية عشان الشعر الشايب
هههههههه
وهل يجرؤ مخلوق يقول حاجة
دا الكلام اللى كتبته
ميت فل وعشرة
وماله ....احنا بس بنتكلم فى الواسعة
بس ساعة الجد !!!؟ تلاقينا ناسبنا الحكومة
هههههه
الكسل دا يا ريس من خصال الرؤساء
عشان ما يزعجوش المواطنين كل شوية
تحياتى وولائى الدائم
زودناها الدائم المرة دى
ياعيني علي الروقان
كل سنة وانت طيب ياسال باشا
وان شاء الله نهني بعض السنة الجاية علي تغيير اي حاجة في البلد دي
والله يا هيثم زى ما قولت بالظبط
انا آآآآآآآخر روقان والحمد لله
غير المحطة اللى بتتفرج عليها فى التلفزيون
على رأى بلال فضل
ربنا يكرمنا جميعا
وانت بخير يا هيثم
كل سنه و انت طيب و سعيد و رايق:)
مكدبش عليك ماليش فأم كلثوم غير بس (سيرة الحب)
تحياتي الخالصه لك
شيرين سامى
وانت بالف خير انت وعائلتك الكريمة بس
لسه البوست اللى جاى هو بتاع المعايدة
هههههههه
..........
ومالها سيرة الحب ؟ هى دى شوية
دى حكاية
ربنا يسعدك
تحياتى وتقديرى
سال
أجمل اختيار أنا بعشق الست
تسلم على اختيارك
وتهنئة السنة خليها للبوست القادم
تحيااتي
هيثم العزيز
روح لايميلك بعث لك برسالة
تحياتى
شهرزاد
شكرا لمرورك الكريم
اسمعيها مرة تانية
حتعجبك اكثر
واسالى مجرب
هههههه
ايوه انا مستنى للبوست القادم
تحياتى وتقديرى
أنا قلت أشركك في كام بيت شعر لسه قريهم حالا اهوووووووووو
-
فَلتُبَلَّغ مِصرٌ عَلى كُلِّ حالٍ * أَنَّني عَن وِدادِها لَن أَحولا
إِن أَعَلَّت جِسماً صَحيحاً فَأَوهَتهُ * فَقَد صَحَّحَت رَجاءً عَليلا
وَعَدِمتُ الحَياةَ إِن كُنتُ أَرضى * بِحَياتي مِن أَن أَراكَ بَديلا
مَن يَعُدُّ الإيجازَ فَضلاً فَإِنّي * في مَديحيكَ أَعشَقُ التَطويلا
واليك يا سيادة الريس اقول لشخصكم الكريم
مَن يَعُدُّ الإيجازَ فَضلاً فَإِنّي *
في مَديحيكَ أَعشَقُ التَطويلا
لاتحرمنا يا ريس من متابعة قراءاتكم العطرة
انا اشتركت فى دعوة القراءة
تحياتى وولائى
واضح انك على سفر :)
جميلة اوى اغانى الزمن الجميل بكلماتها و الحانها و معانيها و ذكرياتها
يااااه يا سال
بلد المحبوب ؟!!
طب هوه انتا غال على قلبى
من شوية ؟!!
تعرف ان دى من احب
اغانى ام كلثوم لقلبى
معرفش يمكن عشان كلامها
لحنها
اداء ام كلثوم اللى كان لسه فيه حاجة كدا مختلفة
عن المراحل اللى بعد كدا
فيه براءة يمكن
او قلة شيل للهموم وحرفنة
قوة البدايات يمكن
معرفش
بلد المحبوب
يا روحى على بلد المحبوب
هوه صحيح مفيش ف بلده نيل
لكن انا برضو هدندن
واغنى
واقول لكل مسافر
راكب النيل
ولاّ البحر
و لاّالطرق السريعة
و لحد الطاير فوق السحاب
واسمعه
انا ليا فى مصر خليل
:)
كل سنة وانتا طيب
يا سميع يا كبير
و دايما معلى مزاجنا
تييييييرز
معلش زودت حرف الياء شويتين
عشان كلامك صح
على سفر ومزاج عال العال
اضافة الى ما ذكرت
اغانى
جميلة اوى اغانى الزمن الجميل بكلماتها و الحانها و معانيها و ذكرياتها
يارب اعرف اسعدكم على طول
تحياتى وتقديرى
من وحي تدوينتك حملت اغاني ام كلثوم لاستمع لها عند توجهي وعودتي من العمل لاننا نحتاج صراحة من وقت لاخر الى أن نشنف اذاننا بسماع اغاني زمن الفن الجميل
دمت بكل ود
فا تى ما
يابختك بهذا العقل والوجدان والاحساس
ويا بخته بيك من هو وراء اعالى البحار
ههههههه
شوفى يا ام الخير
زمان انا قلت كلام فى تدوينة بطاقة شخصية بدون رقم قومى
فاكراها
ايون
قلت انا ساعتها اننى من عشاق الست
وبحب المزيكا من ثومة وانت نازل
طبعا كثييييير من القراء واخدين الموضوع ...كلام فى كلام
بس والله ما كتبته عن خصوصياتى هو الحقيقة
عندى واحد صاحبى لما اقوله الكتاب الفلانى قريته من عشرين سنه يزعل ويفتكر دا شغل منظرة ...وراس الفجلة اللى قولنا عليه
ما علينا
سعيد بكل اصدقائى البلوجريين اللى فاهمنى واللى مش فاهمنى برضو
احنا فاتحين الولاية دى ليه ؟ مش عشان اللااكراه
خلاص
الوصف اللى قلتيه عن الست زمان صحيح بس اكثرهم اقناعا بالنسبة لى هو
كل اللى قولتيه
ههههههه
براءة وقلة شيل هموم
شكرا يا فا تى ما
على كلامك الطيب لشخصى
يارب اعرف ادخل السرور
الى النفوس التى صدأت
كامل تقديرى
خواطر
اسعدتنى كلماتك العطرة
كما ذكرت سابقا اتمنى ان اسعد الناس
كلها واتمنى لك كل خير وسعادة
تحياتى وتقديرى
Post a Comment